الخطوة الأولى ..
نفتح برنامج الأيتونز ..
ومن شريط الأدوات اللي يجينا فوق نروح لم كلمة Store ونرعص عليها ..
راح تطلع لنا قائمة نختار منها Sign in لتسجيل الدخول ..
الخطوة الثانية ..
راح تطلع لنا نافذة الدخول وهنا نحط معلوماتنا وقت ماسجلنا في الأيتونز بالموضوع السابق ..
اللي هو اليوزر والباسوورد وبعدين نضغط Sign in للدخول ..
الخطوة الثالثة ..
من شريط الأدوات مره ثانيه نروح ونختار Authorize This Computer الفائده من هالخطوه ..هو إعطاء الكمبيوتر تفويض بنقل جميع البيانات للأيتونز وأخذ نسخه منها ..
الخطوة الرابعه ..
بعد ماخلصنا من عمل الاعدادات حنا جاهزين لنقل البرامج والتطبيقات الموجوده بالجهاز ..نروح للجهاز ونضغط عليه كليك يمين ونضغط على Transfer Purchases وراح يبدا بعدها الأيتونز بنقل التطبيقات من الجهاز للأيتونز ..وبعد مايخلص راح نشوف تطبيقاتنا نزلت على طول في خيار Apps بالأيتونز ..
الخطوه الخامسه ..
في هالخطوه راح ناخذ النسخه الاحتياطيه اللي تهمنا من الموضوع كله ..نروح لأسم الجهاز ونضغط كليك يمين ونختار Back up لبداية عمل النسخه الاحتياطيه .. وقتها راح يبدأ الأيتونز بنقل جميع البيانات وهالعمليه راح تاخذ شوية وقت حسب اللي موجود بجهازك ..
بعد ماننتهي من اخذ النسخه الاحتياطيه ابد الحين فلووها لأن كل بيانات الجهاز تقدر ترجعها مره ثانيه بضغطة زر ..
الخطوة السادسه ..
طريقة إسترجاع النسخه الاحتياطيه إذا احتجنا ان حنا نرجعها مره ثانيه ..نضغط كليك يمين على أسم الجهاز ونختار Restore From back up راح يطلع لنا تاريخ الباك آب اللي اخذناه ..نختاره ونضغط على Restore ووبس ..
وكذا عرفنا الطريقه اللي نقدر نسوي فيها نسخة احتياطيه لأجهزتنا وإرجاعها بأي وقت نبغى ..
ليست هناك تعليقات:
إرسال تعليق